صالون زازا الرياض، الاستقبال كان جداً جميل وقدموا لي قهوه صراحه جت في وقتها وصبغت وقصيت مع الاخصائيه حياه ومعها وحده ثانيه ماني عارفه اسمها كانت نفسياتهم جداً حلوه وشغلهم جداً جداً جميل خصوصاً الاخصائيه حياة كانت تشتغل بذمه وضمير ومن كل قلبها واقترحت علي اقص غُرة وماندمت ابداً الحمدلله ، ولما رحت اغسل شعري شغلوا لي كرسي المساج تدلييع على الاخر ، مره حبيت ادائهم واهتمامهم طلعت وانا راضيه تمام الرضى عنهم
- الاسم: صالون زازا zaza hair
- النوع: صالون تجميل
- الأسعار: متوسطة الي مرتفعه
- مواعيد العمل: 2:30–10 PM
- خريطة جوجل: للوصول إلى الصالون عبر خرائط جوجل اضغط هنا
- صفحه الصالون على انستقرام: للدخول اضغط هنا
- الخدمات: (استشوار- قص- صبغات- تساريح- مكياج- حواجب- حمام زيت- بديكير ومنيكير- تركيب رموش- معالج الشعر- تزيين عرائس)
عنوان صالون زازا الرياض
طريق عثمان بن عفان، النرجس، الرياض
رقم صالون زازا الرياض
+966 53 313 3308
![صالون زازا الرياض صالون زازا الرياض](https://coavira.com/wp-content/uploads/2023/04/images-2-1.jpeg)
تقييمات صالون زازا الرياض
١- أول مره لي في المشغل واشتغلت علي المساعدة أحلام الله يعطيها العافيه.غسيل شعر مع مساج رائع ٢- ماسك لمدة ثلاث ساعات ( علمتني قبل ما تبدا انه راح يستغرق هذا الوقت عشان شعري يستفيد من كل خواص الماسك) ٣- استخدام براندز لمستحضرات الشعر موثوقة و رائعة ٤- المشغل زحمه ما شاء الله اذا اغلب الناس تسب ليش زحمه ولا شغل انانيه؟ ٥- الاستقبال استقبلتني وحده اسمها الاء جدا راقية و تعاملها ممتاز الشئ الوحيد اللي بعلق عليه هو اني طولت بالمشغل بموافقتي انا لاني جايه استجمام و استرخاء راح يكون لي مواعيد جايه معكم باذن الله
![مشاغل الرياض مشاغل الرياض](https://coavira.com/wp-content/uploads/2023/04/images-4-1.jpeg)
تجارب حقيقية
التجربة الأولي
اول تجربة لي مع الصالون ، للامانه تخوفت من التقييم والتجارب المذكورة هنا وانا جالسة اقراها قبل تجي الاخصائية امارا وتعرف وش احتاج بغيت اطلع والله لكن توكلت على الله وتفرجت على شعور الموجودات واعجبوني وقعدت النتيجة ماكانت زي الصورة اللي وريتهم لكن قالت لي من قبل لاتبدأ وقبل احاسب ان الوصول لنتيجة تشبه الصورة يحتاج يكون شعري مو مصبوغ قبل وهذا الشي افهمه لاني افهم بالصبغات النتيجة النهائية ممتازه واعجبتني وهذا الاهم ، السعر ودك يعيدون النظر فيه استغرب من السب بالتقييمات !! شكرا امارا الله لايضيع لك تعب حتى بنات الاستقبال لطيفات وشحنوا لي جوالي بشاحنهم عشان مايطفى
التجربة الثانية
هذي تجربتي الثانيه للصالون وقلت لازم اعطي تعليقي : السلبيه الوحيده هو غلاء السعر بالنسبه للمكان العادي جدًا مابين (1500-1200ريال) المميزات : صبغت عند اماره مرتين وقصيت مره وحده وكلهم اطلع بنتيجه ترضيني نفسيتها حلوه ولطيفه ودقيقه فالخصل والتقسيم وكمان علمتني كيف اصبغ جذوري بنفسي وايش الالوان اللي تناسب لون الشعر كرسي غسل الشعر فيه خيار مساج للظهر وهالشي مريح عندها مؤقت تحطه جنبي اذا حطت الصبغه عشان تغسلها بالوقت المناسب واللون ياااخذ العقل وجلس وقت طويل وهو حلو ماقلب برتقالي ولا حسيت شعري تالف شكرًا اماره وشفت خبيرة الشعر زهيه وهي اللي اقترحت لي اسوي هايلايت بالمره الثانيه وسعيده بالنتيجة شكرًا طاقم زازا هير
التجربة الثالثة
الي حابه تصبغ وخايفه تروح لهم وهي مرتاااحه راح تطلع بنتيجة مرضيه الصبغات ماتتلف الشعر بس اهم شي العنايه بعد الصبغه حتى ماتقلب في اللون فقط تتفتح بكم درجة بس بعد برضو العنايه لها دور الاسعار فقط مرتفعه مررره
التجربة الرابعة
جيت امس وسويت الخدمه المجانيه رائعين سويت لشعري ماسك من المساعدة حياه و قصيت شعري عند الاخصائية هيا ما شاء الله يا نفسياتهم رائعين رغم اني جايه على تسعه. هيا قصت خيرتني اذا ابي قصه معينه ولا على ما يناسب وجهي وطلعت بنتيجه فعلا تتناسب مع وجهي وجديده علي فعلا مشغلكم يذكرني بالرقي و البراعه اللي لقيتها بمشاغل امريكا
التجربة الخامسة
هاذي مو اول مره اسوي شعري عندهم اول مره كان معجبني اما اليوم مبهووووره والله جيت عشان اغير نفسيتي الخايسه طلعت منهم مبسوطة.. اللطيفه الموظفة ندى شكرا شكرررا على لطفك وعلى اني لقيت الوقت الي يناسبني اجيكم.. الهير ستايلست حياة فعلا كانت حياة طاقتها ايجابية ولطيفة مررره وشعري صار ماشاءالله يجنن تسلم يدها قصها يجنن والاستشوار بسم الله عليها صاحبة الصالون شكرا على ان عندك ستاف كذا ودودين وشاطرين ومتمكنين هذا يدل على انك انسانه ناجحه واهتمامك بالتفاصيل الصغيره بالصالون
التجربة السادسة
كلمة حق قصيت شعري عند امارا انا واختي يجنن ولا غلطة سوت لي نفس الصورة بالضبط ماشاءالله واستشوار صباح يجنن عملت لي ڤوليوم خيالي نفس الصورة كأول تجربة راح اكررها ولا راح افارقهم ان شاء الله الشهر الجاي اجي واصبغ عندهم
![صالونات الرياض صالونات الرياض](https://coavira.com/wp-content/uploads/2023/04/images-5.jpeg)