صالون كحل و روج الأحساء عندهم عرض ١٥٠ ريال اربع خدمات تشقير حواجب وصبغه تجننن وبرضو بديكير ولا احلى وخدمتتهم جداً جميله وبرضو خدمه لفروه الشعر جميل جداً ان شاء الله مو اخر مره راجعه لهم مره ثانيه
ضمن قائمة أفضل مشغل بروتين فى الأحساء
- الاسم: صالون كحل و روج
- النوع: صالون تجميل
- الأسعار: متوسطة
- مواعيد العمل: 2–9:30 PM/ الخميس والجمعة 12:30–8:30 PM
- خريطة جوجل: للوصول إلى الصالون عبر خرائط جوجل اضغط هنا
- صفحه الصالون على انستقرام: للدخول اضغط هنا
- الخدمات: (استشوار- قص- صبغات- تساريح- مكياج- حواجب- حمام زيت- بديكير ومنيكير- بروتين- معالج الشعر- واكس- تنظيف بشرة- تزيين عرائس)
عنوان صالون كحل و روج الأحساء
Al Khalidiyyah Al Hufuf and Al Mubarraz الهفوف والمبرز
رقم صالون كحل و روج الأحساء
+966 50 493 0977
تقييمات صالون كحل و روج الأحساء
جميل جدا جربت عندهم القص والاستشوار حلو والمساعده الي سوت لي استشوار مرا لطيفه اسمها لينا او شي مثل كذا وامي تقول انها دايم تروح له
تجارب حقيقية
التجربة الأولي
صالون معروف وشغل جميل جدا ، سوت لي شعري آن شغلها خيال و المكياج زهور تسلم يدينها ، واشكر الاستقبال كلهم واخص لطيفه ولطيفه الجديده و رفعه
التجربة الثانية
المكان راقي ومنظم وحبيت انهم مخصصين مكان للانتظار ومكان للخدمات وينادون بالأرقام.. بالإضافة إلى شغلهم المرتب وسعرهم المناس
التجربة الثالثة
رووعة جيت سويت عندهم تنظيف جسم بالشمع كان شغل ريتشيل الفلبينية هذي عسل يابنات وبشوشه وبالها طويل يازينها / خدمة صبغ الشعر ممتازة عندهم لا تتعدونهم بالصبغ
التجربة الرابعة
اول شئ بتكلم عن الاستقبال : ذرابه و ادب و تعاون وحسن استقبال و بشاشه وجه دايييم بكل الاوقات حتى مع الزحمه مع الحلووه ( رفعه ) جمييع العاملات تعاملهم محترم و ما يطلعونك الا وانتي راضيه في جميع الخدمات : من حواجب و مكياج و تسريحات . التشقير و الصبغ عندهم بططل مع العنود و الجوهره انصح فيهم يسوون مثل ما تطلبون المناكير و البديكير مع جيني حلوو شوفوا الصوره المكيياااج خطييير خصوصا مع نجود كلاسيكي روعه و فخخم مع اماني عمليتهم المميزه
التجربة الخامسة
شكراً مشغل كحل وروج وشكرا لطيفه ورفعه ولطيفه الجديده موظفات الاستقبال ذوق واخلاق ورقي ماشاء الله واخص بالشكر لطيفه الجديده كانت حريصه على متابعه الخدمات هالمره حجزي لخدمة تسريحة شعر وكانت مهتمه فيني وبالزباين الثانين وتنبه الكل اذا قرب دورها او كم باقي قدامها وتحرص انها تمر على الزبونه وتسالها اذا هي راضيه عن الخدمه او عندها اي ملاحظه واشكر ايضاً رفعه موظفة الاستقبال كان عندي ملاحظه في شي ما اعجبني وعلى طول حلت الموضوع بوقته حرفياً ما طلعت الا وانا راضيه عن نفسي واشكر ايضاً روز على التسريحه الاكثر من رائعه صدق صدق مره حبيت التسريحه ونفذت كل الملاحظات اللي قلت لها قبل تبدأ واشكر ايضا جيني في خدمة صبغ الاظافر شغل مرتب ونظيف واشكر جواهر واكرام ايضا لهم دور في تجهيز الشعر قبل التسريحه شكرا طاقم كحل وروج ربي يوفقكم ويسعدكم ويبارك لكم في صحتكم ورزقكم
التجربة السادسة
انا جربت العرض الخاص بالعودة للمدرسة اربع خدمات فقط ب ١٥٠ ريال كان كل شيء جميل و راقي الينا قص الشعر ماهرة صراحة و روز للأظافر تجنن و اما تنظيف فروة الراس نصيحة لا تسوونه العصر موت حرارة الموية بتحرق فروة راسك مو قاصدة حرام لكن لان الجو حار اساسا لكنهم لطيفين يعني مع كذا انتظرت لين تبرد الموية و سوت لي شعري خلاصة الكلام مشغل كحل و روج ما يحتاج تقييم هو بالنسبة لي الاول في كل شيء
التجربة السابعة
اليوم جيتهم شغلهم مره ممتاز واتعامل معهم من فتره طويله زبونتهم من فتح المشغل ربي يرزقهم ويفتح عليهم تشقير وصبغ حواجب / الفنانه اكرام جعل يدينها ما تمسها النار البدكير / الجميله الين قلت لها غيري اي شكل اظافري وحطي لون من عندك يناسبني ماشاءالله عليها بدعت وشمع الوجه نسيت اسمها بعد يديها خفيف مره ودقيقه ب اختصار كل شي عندهم يجنن ماشاء الله تطلعين وانتي راضيه جدآ وما انسى الاستقبال الجميل من الاخت لطيفه اللطيفه والله ماشاء الله عليها
التجربة الثامنة
ماشاء لله تبارك الله صراحه يستاهل المدح وفعلا روعه قصت شعري داليا وجدا بشوشه وعسل وقصها حلو وسويت ديتوكس روووعه استرخاء وتنظيف من قلب كلهم شغلهم حلو ومشرفة الاستقبال اسمها لطيفه انسانه راقيه و جداً متعاونه وخدومه الله يسعدها ماقصرت
التجربة التاسعة
التعامل حلو والموظفات بشوشات طاقم يجننن الخدمات عندكم حلوه قصيت شعري عند داليا مره حلو وظبطت القصه اللي ابيها وشقرت حواجبي عند اكرام تسلم يدينها هالحلوه والله ما اصبغ عند اي احد بس هالمره سويت عندها وظبطتها لي
التجربة العاشرة
قصيت عند داليا مدرج وماعجبني شغلها القصه مو متساويه تحاول تخلص بسرعه بدون اهتمام بجودة الشغل وتعاملها كان مش ولابد فكنت جايه بقيم نجمه … لكن استشورت لي اكرام وهذي مو اول مره اجربها شغل واخلاق تضبطكم مثل ما تبون، حتى تعاملها مع بنتي الصغيرة كان لطيف الله يسعدها ماقصرت ارضتني بعد تجربة القص ولو ان تضل تجربة القص ما اكررها لو بجي مره ثانيه عشان اسوي شعري عند اكرام بس
