صالون ميلو لفن الأظافر المكان رايق جدا وجميل والعاملات من جنوب افريقيا لطيفات جدا ومدربات على العمل المكان يوحي انك بغاليري، يوجد لوحات جميلة وتصميم رائع ومريح واستقبال ممتاز .. متعة مختلفة
من افضل صالونات الرياض للعناية بالاظافر
شغل نظيف وحلو والأجواء رايقة من احسن الخدمات بالرياض المكان يجنن العاملات لطيفاااات واحلى شي شغلهم يموووت ودقيق
لي ٤ سنين تقريبًا ما اسوي اظافري الا عند ميلو وكل مره اقول بغيّر واجرب صالون ثاني.. اتحسف لان مافيه شغل يتقارن بشغلهم من اتقان ودقة واسعار ورحابة ومعاملة.
هذا الصالون اعتبره بيتي، الستاف كلهم رهيبين ومديرة الصالون الاء انسانة راقية وتحرجك بكرمها واسلوبها اللطيف، والاونر مهتمة لابعد الحدود بالمكان وبالكلاينتس وتحرص دايم تقدم الافضل والجديد.
انا اظافري كانت ماتطول ابد واكلهم للـ لحم وجلسة سنة اسوي fake nails لين شارت علي ناتلي اني ابدا رحلتي بالبياب وصراحة الان اظافري ينضرب فيها المثل من الطول والصحة
مهما قلت ما اوفيهم حقهم.. كلمة حق والله
مستوى النظافه والعنايه في المكان مرضي جدا تخلي تجربتك مريحه من لحظة دخولك الى المكان.
الاستقبال لطيفين جدا وخدومين.
تجربتي كانت مع الاخصائيات كارولين وميرسي.
جدا عمليين ودقيقين وروحهم جميله نفذو التصميم المطلوب تماما، حبيت جدا اهتمامهم بالمساج نهاية الاجراء.
ضيفوني كركديه بارد على طلبي.
اتمنى استمرارية هذا المستوى الجميل واكيد رح اكرر تجربتي.
شكرا لكم
سويت عندهم فرنش وفن اظافر مع ناتالي وصراحة شغلها خيالي ودقيق
والمكان جمييييل جداً ومريح وتعامل سمرا رائع
مشكلتي الوحيدة كانت مع انه مافيه ضيافة ولو بغيت قهوة/شاي/ موية لازم ادفع مع ان كل السبا تقدمهم كضيافة فياليت يعدلون هذي النقطة لان الواحد وده يدفع ويحس بكل مشاعر السبا
والاكيد اني رح اكرر الزيارة اسعارهم حلوة وشغلهم ممتاز بس اهم شيء يعدلون خدمة الضيافة
اليوم زرتت ميلوو لأول مرره و كانت ليلة العيد فعلياً ومع الزحمه وكثرة الشغل الا اني طلبت خدمة زياده غير الي حجزتها مسبقاً وقدروا يوفرونها لي ولا ردوني موظفات الاستقبال لطيفات جداً حبيتتت التعامل راقي والمكان يشرح الصدر مع الاجواء الخيالية والاطلالة أشكر ميلووو وان شاءالله مو اخر زيارة
الجو العام جميل ورايق والموسيقى مره حلوه
عملت إزاله جل كان حلو الشغل بعدها عملت فرينش مرره كان جميل فوق المتوقع والأسعار معقوله وان شاالله اكرر الزياره بس عندي ملاحظة على الكافي انه بفلوس. مفروض خدمه مجانيه مثل باقي الصالونات وشكرا
مكانيّ المفضل خدمات رائعة واخصائيات محترفات
من اهم ملاحظاتي الحفاظ على الاظافر من التكسر بعد الجلسات مابتكون ضعيفه ماشاءالله
فن رسم الاظافر متقن جداً ماشاءلله
هدوء الاخصائيات وقت الجلسة
موظفات الاستقبال السعوديات بشوشات ودودات ومتمكنات من كسب العملاء خاصة سمرا
المكان رائع بكل تفاصيلة
من تجربة اربع سنوات كل التوفيق
احب الصاللون اللي يدلعني جوا الصالون وبرا الصالون ، للأمانه اول تجربة لي و شغلهم بروفيشنال و كنت شايله هم المواقف بس دلعوني بالمواقف شكرا سلمى العسل شكرا تيم ميلو مو آخر زياره أبدا
شغلهم يبرد القلب
كمية دقة وأحترافية وسرعة تجاوب سواء إتصال او واتس اب .. وصورولي كل شيء عشان اتأكد قبل اجي من المتوفر
موظفة الحجوزات بشوشة جدًا الله يوفقها يارب
من الأشياء الحلوة ان الدفع بعد الشغل لاني احيانا ادفع واغير رأيي ابي شي ثاني
كل التوفيق لكم يارب
حبيتتت، مره لطيفين واللي سوت لي اظافري كيييوت كانت وشغلها مره مرتب.. كل شيء حلو النظافة والاهتمام والدقة بالمواعيد وقهوتهم والاهم فيه تجاوب لما تتصلين.. ممكن المكان شوي يضيع بس علطول يردون ويدلونك
جربنا اليوم تركيب لاظافر مع الرسم -fake nails with art – كانت النتيجة فوق التوقعات و جداً جميلة و الشغل احترافي الاسعار مقارنه بجودة الشغل معقولة، يتطلب حجز موعد لاي خدمه ،، موظفة استقبال الحجوزات كانت جداً رائعة في ترتيب موعدي