مشغل الجيل الجديد واحد من اجمل صالونات التجميل والخياطة في الرياض ، المكان نظيف ومرتب مهتمين بالتعقيم وأدق التفاصيل ، تعاملهم راقي ويقدمون لك خدمات متعددة للعناية بالمرأة وجمالها أما عن الأسعار فهي متفاوتة حسب نوع الخدمة المقدمة
المكان بسيط ومرتب .. الشغل جربت المساج والبدكير عند ماربيل تجنن ب الذات ف المساج متمكنه فعلا ..
صاحبة الصالون موجوده وشخصية لطيفة جدا واسلوبها راقي جدا مع العميلات
كمية الريلاكس والهدوء بالمشغل مو طبيعيييه سويت بديكير ومنيكير صراحة الشغل أعطيه ٨/١٠ بس نفسية العاملة تيري تجنن ومساجها لليد والرجول بطل اسعارهم مابين وسط إلى مرتفعة وعندهم عرض ثلاث خدمات ب١١٥
اسعار جدا مناسبه مكياج الهام الكل اثنى عليه تسويه بكل حب ماشاء الله تسلم يدها لو صار عندي مناسبه ثانيه بالرياض بختارها بدون تفكير تجربتي معهم جميله بشوشين جدا
مشغل جدا جميل و انصح بزياته قبل كم يوم سويت مكياج و شعر عندهم ، جداً حبوبين و متعاونين و الشغل مره يجنن الكل سألني عنه شغل دقيق و نظيف ، انصح بتجربته و باذن الله بصير زبونه ودايم بروح له
المشغل مرتب ونظيف وريحته تفتح النفس وحبيت ان عندهم تنقيه هواء
واهم شيء الشغل مضبوط ونظيف.. عملت تسريحه عند الاخت حلا وما شاء الله تبارك الله شغلها مرررتب يعطيها العافيه وطلعت مبسوطه بالنتيجه
منظمين ونظيفين بس سبحان الله ما توفقوا في استقبال زين كل موظفاتهم الاستقبال يا أخلاقهم شينه يا ما يعرفون يتصرفون .. وعندهم الهام ممتااااااازة ما شاء الله تبارك الله ..صبغة حواجب وتشقير ومكياج وتسريحة شغل بطل بطل
الصراحه رحت لهم وكانت في بالي صبغه معينه بسويها والله يسعدهم سوولي احلى من اللون اللي ابيه حابه اشكرهم عليها وعندهم خصم وعرض على ثلاث خدمات بسعر اقل يجنن بنات مره انصحكم فيه عروضهم تكون من الاحد لين الاربعاء وزياده انه المشغل ونظيف هادي وتعامل الموظفات وخصوصاً الاستقبال من يوم ما عرفتها جداً لطيف الله يرزقهم من واسع فضله يارب
اليوم جربت القص عند الأخت نعمة (أم بسمة) الله يحفظها ويحفظ لها ويبارك لها . فعلاً تستاهل المدح شغل مرتب وتعمل بإخلاص شغلها متقن وهي إنسانة مريحة .خرجت منهم وأنا مرتاحة الله يبارك لهم .وعندهم ميزة الجو عندهم مريح وما فيه موسيقى الله يزيدهم من واسع فضله
المشغل اتعامل معهم من سنين والحمدالله إلى الآن أثق في شغلهم خدمات الشعر عايشه ممتازه والهام شغلها في المكياج مره جميل مهنيه في العمل ورقي واحترام والمكان مرتب ونظيف والأسعار معقوله يعطيكم العافيه ورح اكرر الزياره طبعاً بإذن الله
المشغل مرتب ونظيف وريحته تفتح النفس وحبيت ان عندهم تنقيه هواء واهم شيء الشغل مضبوط ونظيف.. عملت تسريحه عند الاخت حلا وما شاء الله تبارك الله شغلها مرررتب يعطيها العافيه وطلعت مبسوطه بالنتيجه
على حسب تجربتي :
١- المساج: ممتاز وانصح فيه لكن على كرسي مو سرير ومافي انواع. كانت عندي مشكلة في الرجل و ارتاحت مع المساج .
٢- الصبغة: متوسط. لكن آمنه ويهتمون بالعميلة وياخذون رايها كل خطوة. يحرصون على رضاء العميلة.
٣- الاسعار: مرتفعه قليلا لكن مقابلها خدمة انيقة. لكن لا يوجد قائمه واضحه موحدة بالاسعار والعروض.
٤- النظافة: ممتازة. و جو نقي مافي روائح.
٥- الاستقبال: ممتاز بشوش لكنه شوي محافظ
٦- المدخل والمواقف: يوجد مواقف ومدخل نظيف. موقعة ممتاز.
٧-العاملات: طاقم فلبينيات. سواء الصالون او المشغل.
٨- الميني بار: لا يوجد عامله ميني بار ولا مشروبات ساخنة ولكن يوجد بعض الشوكو والشبسات فقط.
بشكل عام تجربه جيده جدً و باذن الله تكرر
مشغل جدا جميل و انصح بزياته قبل كم يوم سويت مكياج و شعر عندهم ، جداً حبوبين و متعاونين و الشغل مره يجنن الكل سألني عنه شغل دقيق و نظيف ، انصح بتجربته و باذن الله بصير زبونه ودايم بروح له
