صالون روب سبا الرياض، من اجمل الـ spa اللي جيتهم بالرياض بدايةً من موظفة الاستقبال كانت رااااائعه جداً وخلوقه ومتعاونه وفيها حماس واضح تحب شغلها، المكان مرتب والديكورات مرييييحه وهاديه الوان المكان والتفاصيل رائعه
- الاسم: صالون روب سبا Rub spa
- النوع: صالون عناية بالاظافر
- الأسعار: مرتفعه
- مواعيد العمل: 2–11pm
- خريطة جوجل: للوصول إلى الصالون عبر خرائط جوجل اضغط هنا
- صفحه الصالون على انستقرام: للدخول اضغط هنا
- الخدمات: (مساج- بديكير ومنيكير- تركيب اظافر- طلاء اظافر)
عنوان صالون روب سبا الرياض
طريق عثمان بن عفان، الازدهار، الرياض
رقم صالون روب سبا الرياض
+966 50 579 5770
تقييمات صالون روب سبا الرياض
الخدمه رائعه وبروفشنال.. جربت البديكير والمنيكير ماحسيت فيها من كثر مايدها خفيفه السكرب كان من قلب وجوده المنتجات ممتازه.. الديكور اختيارهم له بطل مرييييح جداً ولو ارجع ارجع عشان المهنيه والراحه.. ماجربت المساج بس شفت الغرف كأنك بتجربه مساج فندقي، عندهم انواع مختلفه واللي عرفت انهم بيضيفون تقشير فروه الراس للخدمات الrest area بطلللله وقليل من الاماكن اللي تعرف كيف تخلي المنطقه ريلاكس.. بالتوفيق لهم وننبسط بوجود اماكن تدلعنا هالدلع
تجارب حقيقية
التجربة الأولي
المكان روعه كل شي بكل التفاصيل يجنن صراحة بداية من الاستقبال الى اخر لحظه وانا مستمتعه جربت رب سبا منكير وكان رايق مدري متى جيت ومدري متى طلعت من كثر ما كنت مبسوطه ومروقه المكان ديكوره جميل الوانه رايقه اضاءته مناسبه للخدمات مو قوية الي تفقع العين تنظيفهم لليد والرجل خيالي ولا حسيت في الوقت من كثر مايدهم رقيقه وشغلهم نظيف طبعا العاملات مايسولفون مع بعض وهذي نقطه مهمه بالنسبه لي الصراحه دخلت بمزاج وطلعت بمزاج ثاني عالآخر طبعا تفاصيل الحمام مررره اعجبتني ومهتمين بأدق التفاصيل المكان مره حلو ورايق ويجنن وانصح فيه بشده ويارب نشوف له فروع اكثر واكثر
التجربة الثانية
الصدق مدري وش اقول وش أخلي ..نبدأ بموظفة الإستقبال .. بشوشة واحترافيه بالتعامل وهادية ومريحة جداً ديكورات المكان حلوة والمكان شرح وريحته حلوة واستخدام الشموع يغير نفسيتك مره جهة البوديكير من احسن الأماكن اللي سويت فيها بوديكير الكراسي مريحة والأخصائية متمكنه والأسعار مناسبة للخدمة جداً كل الشكر الله يوفقكم يارب
التجربة الثالثة
جربت خدمة المساج (المساج التايلندي) وايضاً عملت بديكير يدين وارجل الشغل رااااائع والعاملات جداً محترفات واشكر موظفات الاستقبال على حسن التعامل رغم اني كنت اخر زبونه ولكن ما حسيت فيه اي استعجال بالخدمات الجميل ايضا انهم يقدمون خيارين للهدايا الكتروني او علبه فواحة مغلفه بشكل جميل جداً (العلبه لها اضافه ٣٠ ريال على سعر الخدمة)
التجربة الرابعة
ان شالله مو اخر مرا ازور السبا حرفيا افضل مساج احجار ساخنة جربته، لدرجة قلت لهم ابي وقت زيادة بس كان في ناس غير صح الاسعار مرتفعه بس جودة خدمتهم تخليك تفكر تجي بالشهر اكثر من مرة . شكرا لسمية صراحة حتى الاستقبال شغل احترافي
التجربة الخامسة
المكان جميل وراقي والخدمات حلوه ان شاءالله ماراح يكون اخر تعامل وحبيت تعامل الموظفه والعاملات وعقبال افتتاح باقي الفروع و الله يجعلها فاتحة خير يارب
التجربة السادسة
افضل سبا جربته الى الآن بشوشين وكلهم تعاملهم رائع ويهتمون برغبات الزبون جدا واهم شيء راحته، تأكدوا مني اكثر من مره اذا مرتاحه او اذا محتاجه شيء اخذت بدكير ولون مناكير والشغل رااائع ومساج اليد رهيب بإذن الله لي رجعه
