عيادات ديرما الرياض من ارقي عيادات التجميل بالرياض، العيادة مختصة بمعالجة مشاكل البشرة والشعر، يعيب عليهم ارتفاع الاسعار 🔥🔥
طريق الأمير سلطان بن عبدالعزيز، السليمانية، الرياض
+966 9200 33055
د.أسامة الخزيم ما شاء الله نعم الرجل والدكتور الناصح والأمين الله يوفقه،، كنت بسوي ليزر لآثار حبوب كثيرة، فقال لي أنها مكلفة وفايدتها محدودة فما أنصحك! تصرف يدل على الأمانة والنصح؛ بإذن الله لن أراجع عند غيره إن احتجت عيادة جلدية من غير شر إن شاء الله
انا جيت للعيادة على سمعة د/ثامر وكنت امر بحالة تساقط شديده جداً حجزت موعد الساعة ٤ وبيتي بعيد جداً عن العياده وجيت قبل الموعد احتراماً للوقت وللدكتور ودفعت كشفيه ٣٠٠
وانتظرت ساعة ساعتين ثلاث اربع بعدها رجعت للرسبشن وقلت لها معليش انا موعدي عدى عليه اربع ساعات ومااقدر انتظر اكثر ابي فلوس الكشفيه قالت لا ماترجع وانتظري قلت لها خلاص مااقدر
قالت طيب بعطيك موعد قريب وتعطيني موعد الساعة ٣:٣٠ جيت على الموعد في عز زحمة الرياض وانتظرت ساعة ساعتين ساعتين ونص ورحت لها قلت هذي ثاني مرة وخلاص انا مااقدر انتظر ولا عاد ابي اشوف الدكتور
قلت طيب انتظري بالغرفة يخلص المريضة اللي عنده ويجي ويلطعني ٤٥ دقيقه وفي الآخر جاء قسم بالله ماكلف على نفسه يكشف علي قلت اني والده صارلي ٦ شهور وشعري يتساقط بغزارة
قال راجعيني بعد ٦ شهور متخيلين الانتظار هذا كله وحرق الاعصاب بعدها يقول كذا اسوء اسوء موقف يمر علي من دكتور وتوبه ارجع لهم واللي يبي يروح لهم لازم يأقلم نفسه انه احتمال ينتظر ٥ ساعات وممكن مايدخل .. نجمة للتعليق فقط
من أفضل العيادات في مجال الجلدية والتجميل وتجربتي ممتازة معهم ، خصوصا الدكتورة لولوة المبارك ممتازة علمياً وتعاملاً وكثير أزور هالعيادة أنا وصديقاتي لتميزها بوجود دكتورة مميزة وصادقة وكفاءة أفخر فيها في بلدي
الدكتور احمد العيسى دكتور رائع ويستحق الانتظار الطويل والعيادة نظيفة تسلمينهم نفسك وانتي مرتاحه اشكر الدكتور احمد العيسى الراقي. دكتور لطيف ونفسيته زينة يسمع للمريض. المواعيد دقيقة عندهم والعيادات نظيفة
تعالجت عند دكتور عبد الله الخليفة ثعلبة كويس ماقصر بس العيادة غالية كنت كل مره ادفع كشفية وهذا الشي السيء بالعيادة هذا غير علاج الثعلبة والادوية ووو انا انصح يغيرون حركة ان الواحد يدخل بكشفية ونا جاية اخذ ابرة ادفع حق الابرة يدفعوني كشفية ومايطل الدكتور براسي ف بلاش شغل الحرامية الكشفية فقط تدفع عند اول مره اجي اكشف اما العلاج ادفع حق العلاج زي اي عيادة اخرى