مشغل فن لمياء النسائي مشغل محترم نظيف تعامل المتواجدين ب المشغل اكثر من رائع اسعارهم جدا ب متناول الجميع وايضا ترتيب المشغل اكثر من رائع يشكرون على هالابداع
السلام عليكم
طبعًا انا اول مره اجرب مركز فن لميا رحت اقص شعري كاريه و استشور ، اولًا المكان كان وسيع وبارد ماشاء الله و الاستقبال رووعه بس كان زحمه لأني رحت ٢٢رمضان .
قصيت شعري عند “غزلان” اتوقع مغربيه ، الله يسعدها يارب ويرزقها قصها جميييل جدًا وريتها الصوره وقلت لها ابغى مثل الصوره بالزبط بس الغره اطول ، وفعلًا قصت مثل الصوره و اجمل بعد بس في ملاحظه صغيره يدها شوي ثقيله على الشعر يعني يبغاك تتحملين شوي
طبعًا القص و الاستشوار مو مع بعض تقصين بعدين تروحين تدفعين حق الاستشوار وترجعين
افتتحوا مبناهم الجديد قبل يومين افضل من المبنى القديم والا يقارن به،روعة بكل ماتعنية الكلمة من معاني الحمدلله ان مبناهم الجديد فتح قريب من بيتي ،المبنى تصميمه وديكوره روعة،والعاملات
والاستقبال اخلاقهم عالية ،وشغلهم روعة وسريعات،وملتزمين بالاجراءات الاحترازية،اسعارهم مرة رخيصة ،يا رب يستمرون على نفس المستوى من النظافة وحسن التعامل وجودة العمل
،والا ترتفع اسعارهم بعد فترة.جربت خدمتهم في البديكير لرجول والايدي ،وقص الشعر روعة شغلهم وسعر ال ٣خدمات ماتجاوز ال ٦٠ريال
…ارفقت لكم الخدمات الي سويتها وأسعارها وصور للمبنى وللمشغل من الداخل… الله يبارك لهم ومبروك الافتتاح،وياليت يوفرون خدمة النقش و جهاز التقصف.
كنت عندكم الثلاثاء انا والوالده وبناتي بصراحه كلكم ذوووق وتجننون بدءً من موظفات الاستقبال … اسعاركم حلوه والشغل اجمل سوينا تساريح ومكياج عند روان وامور وهذي اول زياره لي
ومو الاخيره بإذن الله مشغل مرتب وحلو قليل ينلقي عندنا بغرب الرياض مثل مشغلكم اهنيكم صراحه واستغرب من التعليقات السلبيه ان شاءالله مااشوفها ابد
الصراحه قصيت شعري واستشورته عن ايرن الله يسعدلي قلبها حبوبه ونفسها حلوه نفس النتيجه الي كنت ابغاها ولاتعبتني الله يوفقها يارب ، بالنسبه للمكان يحتاج نظافه وتعقيم للادوات والمكان اتمنى يركزون ع هذه النقاط لانها الاهم
للامانه كان اول زياره لي عندهم بخصوص الحمام المغربي وكان جدا جميل عن الموظفه (( حنان .. اسلوبها لطيف وتنظف من قلب ومرحه المكان نظيف وتمت خدمتي في اسرع وقتت .. ونشالله مو اخر زياره عندهم
كاول تجربه لي بكتبها بكل مصداقيه سويت مكياج عند الميكب ارتست الرائعه ( فتحيه) ماشاء الله تبارك الله المكياج يجنن نظيف ينقط جمال من دقته وربي اول مره وحده تعرف لملامحي وتبرزها وش اقول وش اخلي غير نفسيتها الحلوه اللي من دخلت وانا مبسوطه انسانه بشوشه تجبر الخاطر وربي الله يسعدك يافتحيه ويرزقك كل ماتتمنين ويعطيك ربي لين يرضيك ويحقق لك كل احلامك وامانيتك الله يوفقك ويرزقك ياجميله وباذن الله بعتمدها دايم ومرح اكون اخر تجربه
من اروع المشاغل الي تعاملت معاها ومن عرفته وانا لايمكن اغيره
شكرا للقائمين عليه جميعا
اخص بالشكر موظفة الاستقبال وهج اسم علي مسمى ربي يحفظها
وكذلك بقسم المساج اريكا
الصبغات والشعر مريم
المكياج اكثر من رائع مع الموظفه سعاده
كذلك الحمام المغربي
المنكير والبدكير
يستحق الشكر والتقيم
جربت اكثر من خدمه
تركيب رموش و حواجب طبيعيه عند باني
شغلها احترافي و ممتازه و مميز بصراحه واثق فيها …
استشوار عند مارليو تبارك الرحمن تعرف تتعامل مع الشعر وتضبط التسريحات
اديل جربتها حمام زيت لشعري و غسيل و استشوار
يدها خفيفه وماتحرق الشعر
اكرر الزياره و التجربه
الافضل تجون مبكر وتحجزون
حلو في كل شيء .. قصيت شعري عندهم وعجبني شغلهم وتعاملهم ..
لكن شيء واحد بس الي ضايقني ، اسلوب الموظفة لما اتصلت عليهم قبل لا اجيهم عشان استفسر عن شغله ، اقول السلام عليكم تقول “هلا” اقول مشغل لمياء؟ تقول “هلا” بنبره يعني اخلصي بسرعه ومالها خلق . هذا الشيء الوحيد فقط الي سبب لي تردد اروح او ما اروح