صالون إحساس هلا الرياض شغل جميل وتعامل راقي، العاملات بشوشات واسلوبهم لطيف وشغلهم جميل جداً، وصاحبة الصالون ذوق ذوق ذوق، انصح فيه ❤️❤️
سلمان، طريق الأمير محمد بن عبدالعزيز، قرطبة، الرياض.
+966 50 551 6986
صاحبة الصالون ذووووووووق والله في كل مره اجيها والقاها موجوده ينشرح صدري احترام وفن بمعنى الكلمه الصالون متواضع بس خدماتهم بطله ملينا من المظاهر الكذابه نص الصوالين فخامه من برا ومن جوا لاعاملات
ولا فن اللهم لك الحمد جربت عندهم فرد بطل قص وصبغ بطل بديكير منيكير ولا غلطه بس اللي يفوز عندهم المساج ااااخ حقت المساج ماتحصلو زيها لو تلفو شرق اسيا كلها ماحتلاقو زي حقت المساج اللي عندهم 😭💕
اختياري للصالون كان للأسف سيئ سويت عندهم بديكير ومنيكير ، وراح افصل من بداية وصولي للمحل :
1- المواقف قدام المحل حدث ولا حرج تراب ومهملات لاتسر العين وتعطي انطباع ان ممكن الصالون يكون ايضا متسخ ، بس اشوا طلع المحل نظيف متواضع في ديكوراته وتجهيزاته
2- البنات بالريسيبشن خلوقات وامورات
3- العاملات 😣 طبعاً البشاشه معدومه من وجيههم ، العامله الوحدة تشتغل كل شي بالصالون وهذا يوضح سبب كشارة العالمه ونفسيتها المضروبه
4-شغل العاملات لاحظت شغلهم بالاستشوار على الزباين كويس ومرتب وبالنسبه للعامله اللي سوت لي البديكير الله لايوريكم طبعا ماسألتني كيف تبين شكل الاظافر
من راسها قصت دائري ، بادرت وقلتلها ابيه مربع قالت ؛ 😂 لا مايجي !!على كيف امك مايجي ،، انا متعوده اسويه مربع علشان مايتكسر .
طبعا سوت لي اظافري كوكتيل مابين ( بيضاوي& ومربع & وبيضاوي دائري ) واظافر اليد اليمين طويله واليد اليسار قصيرة وطبعا قشطت سطح الظفر بالالة الحادة من دون لاتسوي تلميع ومن دون لاتنعم حواف الظفر😩
ويوم جا دور الاقدام قصت الظفر بقصاصة اللحم ( لو ادري كان جبت ادواتي) وطبعا المبرد مدري من وين مطلعته ماكان مغلف فما ادري اذا معقم اولا، وطبعا لا احكيلكم عن برد الرجل ☹️ اخيرا المثل يقول يامسترخص يامستنغص
شغل خديجة في الشعر مرا حلو تساريح طبعا .. جميله الحواجب فضيع شغلها .. كيت المنيكير والبيديكير .. يويو طبعا الاستشوار .. يعطيهم العافيه جد شغل جميل جدا
شغل رائع ومتقن وموظفات لطيفات ونتيجة مرضية الله يعطيهم العافيه..وصاحبة المشغل ذوق شكرا …سويت بروتين للمرة الثالثة عندهم. الف شكر.
صاحبتي تسوي والسبب معامله الاستقبال الزفت وصوتها عالي كانها تصرخ عليك مافي اي لباقه بالله احد يوظف وحده كذا فالاستقبال ! من بدايتها كنسلت بسببها لا وبعد مافيه جلسات مريحه ولا كنب الكراسي حديد اعتنو بالمكان وبإختيار الموظفات .
بكل امانه جيت عشان اسوي خدمة وكنسلت وتركت صاحبتي تسوي والسبب معامله الاستقبال الزفت وصوتها عالي كانها تصرخ عليك مافي اي لباقه بالله احد يوظف وحده كذا فالاستقبال ! من بدايتها كنسلت بسببها لا وبعد مافيه جلسات مريحه ولا كنب الكراسي حديد اعتنو بالمكان وبإختيار الموظفات
حبيت الرقي بالتعامل من قبل صاحبة الصالون👍🏻 ، وحبيت اهتمامهم وحرصهم بالتعقيم وقياس درجة الحرارة والحرص على لبس الكمامة 👍🏻 .. جربت خدمات الاستشوار عندهم سريعيين جداً وشغل جميييل وأسعار مميزة ، الله يوفقهم
