صالون ديفون في الرياض مكان منظم وانيق ويتميز بحسن التعامل والاحترافيه يعد من أفضل الأماكن للصبغات وخدمات القص، تعاملهم راقي واسعارهم مناسبة للجميع
من الممكن ان يكون ديكوره احسن من كذا بس عموما المكان يفتح النفس العاملات لا اله الا الله على نفسياتهم الجميلة . جيتهم مره متاخره وخدموني بعيونهم يارب مايتغيرون
ماشاءالله صالون مريح ..
طبعا لازم حجز قبل ..
الفلبينيات نفسياتهم حلو وسريعات ..
جربت عندهم الصبغه و الاستشوار عند خديجه
ماشاء الله تبارك الله روعه .
وش اقول الكم عن للون الصبغه يجنن يجنن
خديجه اشوفها رقم 1 في الصبغات ،، انا ما اصبغ الا عندها من عام 2016 وانا مع خديجه ..
مره ديكور الصالون فخم حبيته ورايق وعندهم قسم للبدكير وعنايه فائقه تخيلوا انا شبه اسبوعي عندهم والسبه المساج والبدكير كل فلبينياتهم ممتازات وفي وحد مميزه مميزه اسمها بت افضل مساج بالوجود ويميل العلاجي اول مره الصراحه اشوف مشكل كامل هذي الايام في وحده اسمها ساميه سمراء خطيره جدا بصبغ رقم واحد بطله وعندهم حق الحواجب ممتاز تزبط الرسم اسمها رانيه وحتى حقين الاستقبال ممتازات وذوق وخصوصا نوره اسلوبها مره يعجبني ويبهر تعبت وانا امزح هههههه بس والله ممتاز
لو في ١٠٠ نجمه احطها. الصوالين الحلوه كثيره لكن الناس الاخلاق قليله عشان كذا اشكركم على الشغل الجميل والنظيف واشكر نوره الي بالاستقبال على رحابة صدرها بس ياليت يرجع السعر الاول امنياتي لكم بالتوفيق
صالون جميل ونظيف دائماً البدكير والمنكير ممتاز عندهم والاسعار ممتازة
نقصت نجمة لان البنات ما يلبسون قلفز وقتها ولاني شكيت ان المبرد مستخدم لانه غير مغلف .
القص ممتاز جربته عند الاخت خديجة الجميلة تسلم يدينها
مشغل نظيف وشغلهم حلو مره المكان راقي ومرتب والعاملات نفسيتهم حلو وشغل مره جميل انصح فيه زرتهم اليوم للامانه المكان مريييييح جدا والعاملات تعاملهم لطيف عملت صبغة جذور وحواجب مع ياسمين غير شغلها حلو اسلوبها احلى .. الاستقبال يردون على استفسارتك بصدر رحب ،، ارتحت لهم ان شاء الله ماراح اكون اخر زياره لهم يعطيهم العافية
صالون يهبل واسعارهم مميزة وشغلهم نظيف ويشتغلون بذمة وضمير والعاملات بشوشات وقمة ف النظافة مو اول مرة اجيكم متعمدة الصالون من زمان مستحيل اغيرة الله يديكم
الصالون خطييييير
مقارنة بأسعار الصالونات الثانية ؛ وتجربتي بالرموش اللي بالحبة كانت رائعة جداً من يدين خديجة الله يسعدها ..
والشعر بعد من يدين ياسمين الحححلوة اللطيفة
شكراً لطاقمكم اللطيف
من افضل الصالونات بشمال الرياض من ناحيه الاسعار و الشغل،
صدق روعععه سويت اظافيري و ارت و كلهم يجننووون
و الموظفات رائعات بشوشين و تعاملهم جميل جداً .
اكيد راح ارجع له مره ثانيه
تجربتي كانت رائعه مع المبدعه ساميه وخاصه في صبغة الشعر والاستشوار والتسريحه يعطيها الف عافيه وحسن تعاملها معنا اشكرها كل اشكر وعطيها ١٠٠/بالمية ولو فوق المية شي عطيتها تستاهل سامية ومشغل روعه ونظافة وترتيب استقبال رائع يعطيكم الف عافيه
الحق يُقال انا زبونتهم من اكثر من 10سنوات لم يمر علي موظفة استقبال لطيفه وخدومه ومبتسمه لكل الزبائن فعلا رائعة اسمها على ما اعتقد نورة والخدمات بالبديكير والفتله والواكس رائعين مستحيل اغيرهم
بيتي بالغرب والصالون هذا جنب دوامي القديم ومع ذلك اضرب مشوار لهم انا زبونتهم من اربع سنوات ، البدكير ومنيكر جميل ونفسية العاملات جداً رائعة ، واقص شعري واستشورة عند ساميية ماشاالله يدها خفيفة وسريعة ومتقن
