صالون فوق Vogue صالون واسع ومنظم ويقدم خدمات مميزة للتجميل والسبا ..الطاقم تعاملهم جيد ومتعاونات من ادارة وموظفات الاستقبال والكوافيرات
شغل نظيف ومكان أنظف،، كانت عندي جلسات تريتمنت للشعر مع الجميلة (( اسماء)) رائعة بمعنى الكلمة تعاملها مع الزبونة يكفي ان وجهها دايم مبتسم
شغل يدها جدا سلس تعرف تتعامل مع الشعر مو بس تسوي المادة وتروح بسرعة لا دقة دقة ماشااءلله عليها .. اهنيكم فيها وفي شغلها يا فوق وانشاءالله بجي اسوي عندها تسريحة في اقرب وقت
مركز رااائع وتجربة ناجحه معاهم الحمدلله
جربت عندهم صبغة الشعر قبل أكثر من شهر، جيت للمركز على السمعه اللي سمعتها عنه بس ماكان في بالي أي أخصائية معينة، دخلت واخذتني الأخصائية أمل وصراحه أفضل أخصائية سبق وقابلتها فاهمة وتتكلم معاك في مصلحة شعرك.
رحت لهم وأنا ناوية على صبغة معينة وشافت شعري وسوت اختبار ونصحتني بصبغة ثانيه عشان ماينعدم شعري وكانت النتيجه خياال، طلعت وأنا راااضية أتم الرضا
فعلًا مكان أنصح فيه أي وحده حابه تغير لو شعرها بدون ما تخاف عليه
من زمان اتابعكم وامدحكم لكل شخص يبي يصبغ لاني واثقه فيكم ثقة عمياء حقيقي وجت الفرصة السعيدة اني اصبغ عندكم ودخلت وانا مسلمه نفسي للآخصائية خديجة وحقيقي سويت شي جديد اول مره اسوي وهو صبغة الخصل ومبسووووطة اني جيت عند الشخص الصح حقيقي شاكرة جداً لها ابهرتني وارضتني وتفهمت اني اول مره اصبغ ومابي اندم وعطتني لون يناسبني وماتوقعته ابداً انه يناسبني المهم روحوا لها وانتم مغمضييييين حقيقي ماتندمون الله يسعدها ويباركلهم فيها هي ومساعدتها ليندا حقيقي الجميع ايضاً متساعد وماقصروا اعتقد الادارة جداً كويسة وانتقائية في اختيار التيم اهنيها خديجة لوفيو بعتمدك طوال سنيني من اليوم وطالع
انا جايتهم مخصوص من الطايف ورحت عندهم عشان اصبغ شعري وكلي أمل اسوي اللون اللي خاطري فيه وصراحه ماخيبو ظني وربي كان لون رااااااائع وجميل والاخصائيه شاديه ربي يسعدها ويسلم يدها كلامها يطمن وتعطيك طريقة العنايه باللون والترطيب للشعر شهادتي فيهم مجروحه وابداً ماراح اتعداهم في كل مره
زيارتي الثانيه عند الاخصائية “آمال” لصبغة الشعر وّفقت بتجربتي الاولى معها بكل المقاييس الشعر صحي وجميل والان ماندمت كوني اعتمدت عليها بتجديد الصبغة وكأنها جديدة فنانة بحق بالاضافة لأسلوبها ورقي تعاملها .. كل التوفيق والشكر
من أفضل صالونات الرياض غني عن التعريف احترافية وتنظيم وتعامل وشغل راااائع وكل مره أتعنى عشان الأخصائية/ فتحية الله يسعدها أنا وأخواتي فعليًا نتعامل معها من ٨ سنوات تقريبًا من أيام الفرع القديم ودايم أرجع أصبغ عندها دقيقة جدًا بشغلها وحريصه، قبل ٥ شهور فتحت شعري عندها واليوم رجعت صبغت أشقر ثلجي فناااانه وراح أرجع كمان بعد شهر أعمل رينساج .. يعجبني عندهم التريتمنت مع الصبغة يحافظ على الشعر حتى مع السحب .. كل التوفيق لكم
صبغت عند الاخصائيه (تيا)
سوت لي لون حتى ماحلمت فيه وشعري فيه حنه على ان في كثير صالونات رفضو يصبغو لي لان محنيه شعري شكراً تيا والتيم حقها وشكرا صالون ڤوق ومو اخر زياره ان شاء الله
تجربتي مع مركز ڤوق جداً رائعه
ولي كم سنه مااصبغ شعري الا عندهم
وبالاخص عند الاخصائيه خديجه اسلمها شعري وانا مغمضه اخلاق ونفسيه حلوه شكراً خديجه من القلب
صبغت عند خديجه الصبغه طلعت تحفففة واللون رائع ونظيف ماشاءالله ماندمت وخرجت مبسوطه مرره ومساعدتها مايا تجنن كيوت ويدها ناعمه على الشعر ما تقطعه لك وقت الغسيل ووقت تسرحه .. الكل والله سألني وانا فالمشغل عن اللون ومين سواه خرجت احلى لون وشعر يومها الأنظار على لون شعري ماشالله يسألوني مين سوا لك ،، شكراً خديجه انتي راقي وذوق 🤍 جيتك يوم السبت الماضي وللان مر اسبوع ومبسوطه بشعري الحمدلله
