صالون Bellezza Lounge مشغل يتميز بالفخامه والذوق الراقي يقدم العديد من الخدمات من صبغات للشعر بجميع انواعها وخدمات العنايه بالشعر تركيب الاظافر مع جميع انواع الالوان كذلك خدمه تركيب الرموش بجميع انواعها المكان نظيف جداً يتطلب حجز طاقم العمل جدا راقي 💚♥️♥️
محمد بن عبدالعزيز الدغيثر، الملقا، الرياض
+966 54 986 7441
الخدمات اللي سويتها: قص شعر، ويفي، صبغة
وكنت حاجزة عند أميمة، شغلها احترافي ما يختلف فيه اثنين، وفي الأخير مسكتني سمية، لطيفة ونفسها خفيفة.
لاحظت في الموظفات أنهم أهم شيء عندهم الزبون، فعلا يتنقلون بين الزباين كأنهم خلية نحل ما يجلسون وسريعين، بالنسبة للسعر صح مرتفع بس يسوى عند أميمة، كنت أعرف أن فيه سعر أقل لكن لو النتيجة تفتح النفس والمنتجات ممتازة فالواحد ماعنده مشكلة يدفع.
احترم فيهم جدًا وأقدّر لما قلت سكروا الموسيقى سكروها كامل اليوم رغم طلب بعض الزباين لها لكن قالوا فيه زبونة ماتبي، شكرًا لكم 💕
تجربتي تعتبر ممتازة، لكن قيّمت الصالون ٤ من ٥ لوجود ملاحظتين وأعتبرها مهمة وأثق أنهم يقدرون يتجاوزونها::
1. الموظفات بدون استثناء يشتغلون أكثر من شغلة في نفس الوقت وهذا أكبر خطأ، معها ثلاث زباين في نفس الوقت تصبغ لوحدة وتقص لوحدة وتسريحة لوحدة، وهذا مزعج جدًا لأنهم مايكملون شغل الزبونة كامل، أنا أتوقع كل المشغل صبغ لي 😅
تصبغ وحدة وتكمل الثانية لأن الأولى راحت تكمل تسريحة الزبونة الثانية، وهذا أزعجني جدًا لأن الوقت يطول تنساني ومزعج نفسيًا.
2. عدم وجود ضيافة مطلقًا، لا للزباين ولا للموظفات، بالنسبة للزباين المفروض فيه قهوة لو عربية في الجلسة ماتكلف شي، يعني أنا كنت جالسة ٧ ساعات،
لازم خدمة داخلية حتى لو بفلوس. والموظفات واضح يتعبون جدًا ما يجلسون من زبونة لزبونة، وحدة منهم طلبت من البقالة “كتكات” ووزعته على الباقين، من باب الإنسانية المفروض لهم سناك خفيف في مكانهم.
لخفة يد انطوانيت بالاستشوار وتعاملها مع الشعر برقي .. مبتسمه ولطيفه جدا .. عيوبه انه مايقدم لي شي يخليني ما استخسر سعره الغالي !
! استقبال تقليدي مافيه احترافيه او حتى بشاشه .. كأنك تطلبين منهم خدمه مجانيه !! .. مافيه ضيافه .. الديكور والاناره كئيبه .. اقلها ميوزك يروق .. مافيه .. يادوب يشتغل ويتسكر
مفترض هذا يكون من أفضل صالونات الرياض.. مفترض، ولكن للأسف لازال يعاني من ثقافة صالونات الرياض القديمة، شعرك باهت يحتاج تريتمنت اصبغي شعرك
تعبان لونه رايح.. متى بس يفتحون الطيران ونقدر نروح صالونات دبي.. لما العميل وراحته النفسيه فوق كل اعتبار. في دبي ادفع ٥ او ٦ الاف زي العسل على قلبي بدون ولا كلمة غير لائقة منهم والقى كل الكلام الحلو والدعم
النفسي.. للأسف هنا يعيبون فيك عشان يجبرونك تصبغين او تسوين ماسك لشعرك، الناس صارت أوعى واكثر ثقافة وماينلعب عليهم ولا يرضون بهذا الأسلوب.
الكل يقول غالي واطلعت ع الاسعار موب صاحين خل مشغلهم لهم فيه بدائل افضل جوده في الشغل والسعر … وياليت نصير يد وحده ضد الجشع والمبالغه في سحب جيوب الناس
صالون جيد حصلت على لون مقبول نوعا ما لشعري. ملاحظاتي: التعامل سيئ من العاملات عنف مبااالغ فيه في التعامل مع الشعر يدل على عدم مهنية العاملات،
الماء اللي يغسلون الشعر قريب جدا من درجة الغليان . من الآخر اللي تحب شعرها وتبي تحافظ عليه لاترووح لهم. الاهم من هذا كله الاسعار مبالغ فيها ولما قررت مااسوي عندهم على طول نزلت السعر ..
