الرياض

مشغل اهتمام الجمال بالرياض (الخدمات+ الهاتف+ العنوان)

مشغل اهتمام الجمال بالرياض  صاحبة المشغل كلااااس وفاهمه وواقفه على شغلها بنفسها ، وهذا اكثر شي يخليك تثقين وترتاحين ، العاملات كتكوتات ولطيفات وكل وحده تبي لك الخير والصحة لشعرك 💕

  • الاسم : مشغل اهتمام الجمال – Beauty Attention Salon
  • النوع : صالون تجميل
  • الأسعار : مرتفعه
  • مواعيد العمل : 2–10PM
  • خريطة جوجل : للوصول إلى المشغل عبر خرائط جوجل اضغط هنا
  • صفحه المشغل علي انستقراماضغط هنا
  • الخدمات: ( تحميل عرائس- صبغات- تساريح-  استشوار- قص-  مكياج- حواجب-تشقير – بديكير ومانكير- تنظيف اظافر- تركيب اظافر)

مشغل اهتمام الجمال بالرياض

عنوان مشغل اهتمام الجمال بالرياض

شارع حائل، المملكة العربية السعودية

رقم مشغل اهتمام الجمال بالرياض

‏‪+966 50 257 7340‬‏

تقييمات مشغل اهتمام الجمال بالرياض

جربت المشغل مرتبن المرة الاولى كانت صبغة اومبري مع قص وسشوار ب٥٢٥ريال فيه عرض هالفترة شغل الصبغ والقص ممتاز ومضبوط احلى مماتخيلت بس

تم عمل تجربة لي على خصلة لمدة ساعة للتأكد من لون الشعر لانه كان مصبوغ غامق

عملت الصبغة مع سهام كانت حبيبة وكويسة وتحاول تجتهد في شغلها بس بطيئة مو سريعة مثل امل

المشغل صغير وفيه ٣عاملات مع صاحبة المشغل كويسة وحبيبة بس كان جدا زحمة والمشغل صغير وعدد الزباين مايغطي عدد العاملات فأخذ وقت طويل الشغل دخلت الساعه ٤ طلعت الساعة ١٠ونص كان يوم جدا متعب مع الزحمة وضيق المكان

المشغل كديكورات مرتب نوعا ما احس فيه اهتمام فيه بس شكله معد تم تطويره ولا فيه عامله تنظف

دورة المياه جدا صغيرة

المرة الثانية جيت اصبغ جذور الساعه ٣ اول مافتح المشغل كان فاضي وفيه بس زبونتين فكانو العاملات مروقات لان العدد معقول

تجربتي الثانية مريحة اكثر لمناسبة عدد الزباين مع الموجود

احلى وحده في المشغل شغلها ممتاز وتنصحك من قلب أمل سعودية وحبيبة وتعاملها راقي وتحسينها فاهمه شغلها لذلك علطول طلبتهابعد ماشفتها في اول تجربة وتعاملها مع الزباين كان حلو

اتمنى بس من صاحبة المشغل تهتم بجودة النظافة ووجود عاملة ترتب الاغراض لان الباب اللي فيه مستودع الادوات قدام مغاسل الشعر واذا فتحو الباب شفتي حوسه جوا

المشغل ممكن يصير ممتاز جدا بس لو يهتم بادق التفاصيل لانها تأثر على الزباين

وحبذا وجود ثلاجة لبيع الشوكلاته والعصير الوقت كان طويل في الانتظار والواحد يجوع مايحصل شي ياكله

قيمته ثلاث نجمات لعدم الاهتمام بالنظافة والمنظر العام والزحمة وقلة العاملات اما الشغل ممتاز

هذا رأيي في المشغل بصراحة

 

صالونات الرياض

تجارب حقيقية

التجربة الأولي

للأمان اكتب عن تجربتي معاهم ..اليوم ١٧/٨/١٤٤٢…حجزت عندهم قبل يومين وكان عندى موعد ب المشفي وتأخر عليهم ولا بلغتهم وتواصلوا معي واعتذرت وأخذت موعد ثاني اليوم جيت نفس الوقت المكان نظيف وهادي ولا فيه زحمه ولافيه رايحه

…الاستقبال لبقه محترمه…و الله يسعدها مريم بشوشه وعسل ..عملت تست على الشعر والبشره وقالت لى بكل امانه لو تتحسسين مانصبغ لك …للاسف شعري مانجاح

في الاختبار التست و قالت تعبان الشعر مايتحمل سحب ولا صبغه …حاولت معاهم أبي حل قالو الافضل لين يروح لون الغامق نقدر …بس شعر فعلا ماينفع له .. رأي فيهم والله انصح بشده …امل سهام ومريم

والاستقبال.لبقه مره..كلهم بشوشين المكان مافيه زحمه ولا ازعاج ولاريحه نظف..و الحمام نظيف …الله يسعدهم جيت من الخرج له يعني سفر …التعليقات تسب ليش ماتنقلون الحقيقه غيركم يحتاج يستفيد ..خاف الله .

.لكن انا اثق في أبوت هير مدحتهم وفعلا يستاهلون …طبعآ ما أخذوا حساب التست الاختبار مع مثل غيرهم لذلك الى تبي نصيحه انصحكم فيه …اذا تحسن شعري بإذن لله بصبغ عندهم ..

التجربة الثانية

المكان صغير ،العاملات قليلات ولكن الشغل جداً متقن ،صاحبة الصالون جداً محترمة و خلوقه ايضاً العاملات نفسياتهم حلوه رغم الضغط، مستوى النظافه يحتاج اهتمام اكثر ،قالت لي ان الشغل ياخذ ٣ ساعات واخذ٥ ساعات لكن النتيجه تستاهل ،الاسعار مناسبه .

التجربة الثالثة

ماشاءالله تبارك الله شهادة حق شغل مرتب ونظيف✅

سويت عندهم مكياج من 2:30 الظهر وجلس إلى نهاية اليوم نظيييييف تبارك الله اللهم المسكره شوي طاحت تحت العين وتنظيفها سهل بلوس باودر ✅✅✅

وتسريح الشعر بطل بطل بطل والله أهنيييهم على الترتيب وحرصهم على الاتقان.. نفوسهم حلللوه مره مره رغم شخصيات بعض الزبائن الصعبة واللي شهدت بعضها للأسف💔💔

الله يبارك لهم ويرزقهم من فضله العظيم

التجربة الرابعه

افضل صالون دخلته انا انصدمت من بعض تعليقات ناس ما تخاف الله كاتبه عكس اللي شفته انا عميله للمركز من زمان قمه بالاخلاق والتعامل والاحترافية ولا افكر اغيرهم لكن فيه ناس نفوسهم فيها مرض الله

يشفيهم بنات قسم بالله فيه تعليقات ظلم انا اجي عندهم واشوف فئه الي تجي تعاملهم شين واللي تبي تدخل طفل ولا مرافقه وترفض صاحبه الصالون علشان الإجراءات الاحترازية ومايعجبهم شي تطلع من الصالون

من هنا تستلم قوقل ماب من هنا .. هذا اذا ماكانو من الحساد .. صاحبه المحل بنت سعوديه صغيره وتشرف بنفسها اشوفها مع العاملات والزبائن قمه بالاخلاق شغلهم جميل واحترافي واحلى من الصور على

الطبيعه .. لابراء الذمه كتبت مره انقهرت من الي يذمون ومو عاجبهم شي صالون سعر واحترافيه وتعامل لا يمكن تلقين هالشغل وبهالسعر روحوا لفوا صوالين الرياض كلها ما تلقون .. ومرره ملتزمين بالاجراءات

لدرجه شفت بنات يتذمرون مو عاجبهم هذا لمصلحتكم والله اختبار الشعر لو ماكانو حريصين ما سووا كذا لصحه الشعر وعلشان يكون الشغل احترافي الله يوفقك لطيفه ووالله يبعد عنك الحساد

التجربة الخامسة

صبغت عندهم قبل 3 شهور تقريبا والان رحت اسوي رينساج وجذور مع المعالج ، وش اقول بس عن الشغل المتقن الصبغه روعه روعه شعري ماتعب ولا تغير لونه ولاقلب اورنج ولاشي مشيت بالضبط على كلام امل

وفعلا لونه فتح بس ماقلب والنتيجه قبل والان كلهم حلوووين ، صار مشغلي المفضل ومن دخلت تذكروني شعور ان المكان يرحب فيك وتطلع منه راضي مو شي بسيط 👌🏻♥️ شكراا لصاحبة المشغل و اللي صبغت لي امل ولكل الموظفات ♥️

التجربة السادسة

الصراحة لي سنين اسوي شعري محد وصل للنتيجة اللي طلعت من عندهم جدا ممتازة وامانة عالية وقبل لاتبدا الشغل تسوي لك تسست واذا ماضبط مسكتك الباب موب مثل غيرها من الجنسيات الثانية تلعب بالشعر انا فخورة ببنت بلدنا فالهم التوفيق

شكرا اخت لطيفة

شكرا امل وباقي البنات فخورين با امثالكم

ولاعزاء للناس اللي تعلق بسلبية 👎🏻👎🏻

 

 

مشاغل الرياض