مشغل درة الليالي بالرياض المكان جد رائع والخدمات ممتازة والعاملات محترفات الاستشوار والمكياج والتسريحات والبديكير والمناكير كل شي عندهم خيال 🌹🌹
Ahmed ben abdulaziz، هجرة لبن، الرياض 12936، المملكة العربية السعودية
+966 50 711 7062
من احسن المشاغل في الاحمديه سواء من الخدمات المقدمه او الاسعار او جمال روح العاملات وعلى راسهم صاحبة المشغل الابتسامه والروح الطيبه فيها الاخت اللي قالت انه سئ
ماقالت الحق ابدا انا من اكثر من اربع سنوات وانا اتعامل معاهم تركت كل المشاغل الثانية وارتحت لهم كل اسبوعين ثلاثه اسوي بدكير ومنكير وصبغ حواجب
وكل شهرين مساج مافيه اجمل من شغلهم وحابه ارد على الاخت اللي تقول انتظار وزحمه لو ماكان لهم شغل وجوده ورحابة نفس ما جاهم الناس وشي طبيعي الزحمه بالذات في الاجازات والمواسم وبالعكس سريعات
ماشاء الله شفت المكياج من صاحبة المشغل ماشاء الله يديها تنلف بحرير والتسريحات اللي شفتها كلها نعومه ومتقنه وبعد سويت عندهم البروتين جميل مرره وبالنسبه للادوات يعلم الله ان كل ادواتهم تنفك جديده كلها
المستخدمه في البدكير الواحد يقول كلمه الحق لانك اذا ماقلتيها بخستي الناس حقهم يكفي اللي واقفه عليهم اخت لنا سعوديه حريصه على انها تقدم لك الخدمات باسعار معقوله مقارنه بالمشاغل الثانيه لها كل الشكر والتقدير 🌹🌹
المشغل نظيف جدا وتعامل الموظفات راقي و هاديء بإدارة ام عبدالله – الله يحفظها – ووجود صاحبه المشغل يعطي راحة نفسيه عند دخوله وهي تشرف بنفسها على كل زبونه وتسعى لارضاء الجميع
، وانا زبونه دائمة للمشغل رغم وجود مشاغل اخرى حوله … وسبق ان عملت تسريحة ومكياج وقص يعني شغلهم رووووعه من الآخر واسعارهم مناسبة جدا وفي متناول الجميع .👍🏻
نظام قديم جدا تجين وتنتظرين متى يخلصون اللي قبلك، ما فيه لا ترتيب ولا حجز مواعيد. عادي تنتظرين ساعه وزياده. عشوائيه في الشغل،
للأمانه صاحبه المشغل تتابع العاملات باستمرار لكن العاملات ضايعات. مافيه
ترتيب. الادوات مو نظيفه ولا تعقم بعد كل زبونه. المكان مكتوم جدا من ريحه الاستشوار. ما اعرف كيف تسمح لهم البلديه يفتحون
صالون تجميل بدون تركيب شفاطات قويه. زيارتي كانت نهايه اسبوع والمكان كان مزدحم. حرفيا اول واخر مره اجيهم👎
المشغل رووووعة شغلهم ممتاز مره روحو وشوفو كيف شغلهم انا دايما اتعامل معهم عاملاتهم ذوق وشغل مرتب ونظيف من قلب الله يجزاهم خيرر صاحبه المشغل منيره /انسانه جميلة تملك روح نقيه
وقلب ابيض ربي ارزقها من حيث لاتحتسب وأنثر في دربها السعادة و اصنع لها يا الله فرحاً يسعدها دهراً ويديم ابتسامتها عمراً واخلق لها راحة لا تذوق بعدها تعبا ربي ارزقها حلو الحياة
و جمال الحظ و سعة الرزق و راحة البال اللهم اسعدها سعادة لو وزعت على اهل الارض لكفتها واملئ قلبها راحه دائمة واجعلها في ودائعك يالله دائما وسخر لها كل ما تتمنى
