مشغل زهرة توليب لتزين النسائي اجمل مشششغل دخلته شغل يفتح النفس وعاميلاتهم روحهم جميله ونظافه واسعارهم مره مناسبه للجميع ♥️♥️
هذا الفرع عنوانه: نجم الدين الأيوبي،، طويق، الرياض
لهم فرع ثاني في: حي الغروب،, طويق، الرياض
لم يذكر
حبيت المشغل ترتيب وتنظيم واسعار معقوله وفوق كذا العاملات في منتهى اللطافه ..انصح به
عاملات بطيئات والاستشوار مو مره عندهم ولا المكياج والادوات حقاتهم مو نظيفه يبغا لها تعقيم لكن صاحبه المشغل عسل
اقسم بالله انها لعبت بشعري حسبي الله عليها غشتني وصار شعري مبقع الوان الله لايوفقها سحب لون وتحلف انه مايخرب واخرتها احترق
جربتهم في القص عند سميه.. القصه كانت جمييله جدا .. لكن للاسف مستوى النظافه في الامشاط والأدوات سيئه جداً، ماتتنظف بعد الزبون وكلها شعررر .. وسبب لي عدوى وحكه شديده في فروة الرأس.. التهويه في المشغل غير جيده مكتوووم وريحة احتراق الشعر بالاستشوار والليس تخنق ..
لعبوا بشعري قص يروع ومااعترفت بخطاها العامله اجل جهه أطول من جهه وتقول احسبك بتحطين شعرك على جنب عشان كذا جهه اطول من جهه مدري وش هالقصه الي ابتكرتها اخذت كم شهر وانا احاول ارقع ابداعهم هذا غير التسريحه الي كل شوي تفك شعر الزبونه عشان تسويها صح مدري وش اقول بس
كان فرع السويدي جميل جدا،، بس بعد مافتحوا فرع ثاني ،،صار فرع السويدي مهمل ومقرف ويجيب الهم لا ادوات ولا نظافه ولا مكان مرتب للاسف صار مهمل ومهمش ،، ومن المفترض ان هذا الفرع كان مصدر زبائنكم المفروض كنتو تحافظون عليه ،، وعلئ ماكان عليه ،، بس للاسف صار دمار 💔
المكان اضطريت اروح له لانه قريب من بيتي لكن للاسف الصالون مو نظيف والفرش قديمه و تقطع الشعر ولها ريحه غريبه من كثر ما انها مو نظيفه والريحه علقت بشعري غير الادوات كلها مكسره وحوسه جربت الاستشوار بس عندهم وجداً سيئ صراحه
