الرياض

صالون يو أر شيك الرياض (الخدمات+ الهاتف+ العنوان)

صالون يو أر شيك صالون ممتاز ورائع وصبغاتهم طبيعية وكل حاجه عندهم طبيعية وعاملاتهم راقيات وموظفاتهم في الاستقبال جداً ذوق وتعاملهم راقي ويتم تطبيق الشروط الاحترازيه بشكل ممتاز

الصالون من افضل صالونات حي الربيع الرياض

  • الاسم : صالون يو أر شيك – you re chic
  • النوع :  صالون تجميل
  • الأسعار :  مرتفعه
  • مواعيد العمل : 2–2Am
  • خريطة جوجل : اضغط هنا
  • الموقع الإلكتروني للصالوناضغط هنا
  • الخدمات: ( تجميل العرائس- تسريحات شعر- عناية بالشعر- عناية بالبشرة – مساج- بديكير ومانكير- عناية بالاظافر- مكياج- حمام مغربي- جاكوزي- تنظيف بشره)
  • عنوان صالون يو أر شيك  طريق الملك عبدالعزيز، الربيع، الرياض 
  • رقم صالون يو أر شيك ‏‪ 9200 01078‬‏

صالون يو أر شيك الرياض

تقييمات صالون يو أر شيك

الصراحة كلمة روووووووعة قليل عليه المكان يجنن و سويت شعري عند عائشة شغلها اكثر من رائع سوت لي اللي ابغاه واحلى هي مررررة خلوقة وتسمع ايش تبغي و روحها حلوة وهذي نتيجة الصبغة..

 

صالون يو أر شيك

تجارب حقيقية

التجربة الأولي

لي فتره نفسي اصبغ شعري بس للاسف كان قبل ٣ سنين حنيت مع وسمة ومن بعدها رحله معاناه كل صالونات الرياض ولا وحده تسوي لي تيست تقول اقدر .. دايم يرفضون او يقولون ماطلع معنا لون .. واللي ترفض قبل تجرب ..
جيت صالون you’re chic البنات اللي بالاستقبال كانوا رائعات ونصحوني انه زهور صاحبه المهمات المستحيلة بالحناء قابلتها كانت رائعة بااسلوبها ابتسامتها ثقتها سوت لي تيست كانت اجمل خصله شفتها
بعدها سوت لي صبغة من اجمل الصبغات اللي صبغتها كانه مافي اي مشكله اللي يشوف الصبغه يقول اكيد شعرها كان نظيف بدون حناء ،، لون يجنننن
الصوره تحكي
جد زهور اسم على مسمى ياحظهم فيها

التجربة الثانية

تجربتي مع الصالون ممتازة جدًا.
كنت ابغى اسوي هاي لايت، ودورت وسألت في عدة صوالين .. وصراحة دايما الأسعار تكون مبالغة.
الين مالقيت هذا الصالون، والي شدني اكتر انه صبغاتهم عضوية، وهذا شيء كنت ادور عليه!

سويت صبغة لو لايت ورنساج وتريتمنت نوفا مع الأخصائية عائشة، قمة في الذوق وشغل نظيف. صراحة حبيت النتيجة زي ماكنت اتمناها والحلو انه بدون سحب لون! والأسعار كذلك معقولة، مو مبالغ فيها.

الموظفات اخلاقهم حلوة ومهتمين بالعميلات، كانت معايا الاخصائية والمساعدة وطول الوقت معايا ماحسيت انتي انتظرت وقت طويل ومحد حولي.

الصبغ والتريتمنت كله اخد تقريبا ٤ ساعات.

تجربة جميلة وبإذن الله اكررها.

شكرا لكم

التجربة الثالثة

عملت شعري عند عايشة، جيتها وأنا ماعرف وش ابي بس هي عرفت بالضبط وش ابي عملت لي صبغة ولولايت طلعت وانا مبسوطة جدًا فنانة الله يسعدها، مو أول مره اجي ومتأكدة اني بجيها بكل مره ابي اغير شعري

التجربة الرابعه

أشكر الجميلة مريم علي وضع رموش تجنننن بيذها الخرافية وكأنها طبيعيه تماما كلها ذوق ومريحه نفسياً في التعامل والإخلاص في العمل مرررره شكررررررا مريم معك أم غادة وكدلك بنات الإستقبال وخاصة عهود أدب وذوق الله يسعدكم جميعاً ماقصرتوا

التجربة الخامسة

صبغت صبغة احلامي مع الاخصائية يسرا مبدعه وخلوقه وروحها تجنن وتسمع للآخر وسوتلي احلى من طلبي ، شعري كنت محنيته من شهر قالت مافيه شيء مستحيل نسوي تيست ونشوف وفعلاً بدعت معي الله يسعدها بدون ما يتضرر شعري .. فنانه فنانه فنانه تسلم ايديها

التجربة السادسة

خدمة جباره وفاقت التوقع
سويت صبغه شعر وأمبريه مع زهور

كنت جايه على ان الون ماراح يضبط وراح يصبغون شعري تدرجات البني نفس العادة .. بس الي عجبني كثير انها فاهمه الشغله وقالت لي راح نصبغها سوينا التجربه وبعدها بدت الصبغه .. بصراحه الون روووووعه مررره
بتدرجات الوان جميله كنت ابيها من زمااان
أسعدتني النتيجة جداً

ايضا الصالون جداً نظيف ومرتب وأنيق استمرو على نفس الخدمة ونفس المستوى تستاهلون أكثر من ٥ نجمات

التجربة السابعة

رحت لـ عائشة وشعري متدمر من صبغات وحنا ووسمة وشيب وقصة سابقة غير متناسقة من واحدة من اخصائيات المشغل وجفاف بالشعر، بس الله يسعدها ماطلعت الاّ وانا راضية عن النتيجة تمام الرضا. بخصوص الصبغة ما حاولت تلعب في شعري وكانت صريحة معي باللي يناسبني واقترحت لي اشياء كلها فادتني وحاليًا شعري فرق ١٨٠ درجة، تؤدي عملها بذمة وضمير وكل شيء هي حريصة انها تسويه بنفسها. انا اتردد على المشغل من ٣ سنوات بالعادة بعد القص بس يجففون جزء بسيط من المقدمة وخلاص، لأول مرة بعد القص تستشور الأخصائية هي بنفسها شعري كامل مع فير بحيث ما اطلع الاّ وانا شايفة النتيجة كاملة. تُشكر على شخصيتها ولطافتها وتعاملها الأكثر من رائع الله يوفقها ويسعدها يارب

التجربة الثامنة

صبغت لولايت مع الاخصائية “عايشه “يوم الثلاثاء بعد قلبي وش اقول الصدق من جد طلعت وانا راضية جداً عن الصبغه يدها تنلف بحرير قد ايش عجبتني الصبغه واللولايت سوت لي اكثر من اللي ابيه لو يجي على كيفي اوريكم النتيجه لانها روعه وعايشه اللي عجبني فيها صريحه تقول اللي بيضبط واللي مايضبط لان سبق و سويت تجربه مع وحده للاسف سيئه جددددداً من غيرررر ذكر اسماء ولاكن عايشه عوضتني

و طلعت من عندها وانا مبسووووطه وراضيه واشكر موظفات الاستقبال تعاملهم مرررره راقي و اللي يردون على الاتصال تعاملهم ذووق و صاحبة يور شيك انسانه جداً راقيه و واقفه على المركز و تشرف بنفسها وكانت تجي وتسالنا بنفسها عن الخدمات هل خلصونا او لا ……وشكراً وعااايشة بعد قلبي مشكوووووووره وان شاء الله انا زبونتك

 

صالونات الرياض