صالون ڤيولا في الرياض مكان رائع و خدمة جميلة و سريعه .. بدون حجز اغلب الخدمات اكتر من ممتازه …متمكنين بشكل واضح الكادر كله ممتاز الأسعار جميله …تجربه ممتازه انصح فيه بشده
تجربة جميلة ابتداء من موظفة الاستقبال حتى بقية موظفات باقي الخدمات .. عملت بدكير و مناكير فيولا و صبغة لشعري اعطتني نصائح للعناية فيه
و قالت لي ايش الانسب.. حقيقة كنت ارغب في لون و عملت لي خطة اننا نوصل لهذا اللون مستقبلا خصوصا اني كنت أحط حناء في شعري و قالت لي اقدر اوصله لك من الان بس ما انصحك عشان لا يخرب شعرك و عملت لي اختبار! و نتيجة الصبغة كانت أروع مما تخيلت .
. أقدر الناس الي فاهمة شغلها وواثقة في معلوماتها .. مركز مهتم في أدق التفاصيل من رائحة المكان الى الموسيقي الهادئة و الأسعار أفضل مما توقعت ربي بارك.. تجربة تتكرر أكيد باذن الله و بالتوفيق
زيارتي للصالون هي الأولى ..
يعتبر من الصالونات الأنيقة والجميلة التي زرتها بدءاً بموظفات الاستقبال نورة القحطاني ذات الابتسامة الجميلة والتي تقدم خدماتها بكل حب وسعادة تسأل بعد كل خدمة عن مدى رضانا هنيئاً لكم بأمثالها..
كذلك مرام العنزي لطيفة التعامل راقية الأسلوب.
الخدمات التي قمت بها ..
١- حمام مغربي الموظفة المغربية فتيحة رااااااائعة جداً روحها جميلة شغلها رووووعة ..
٢- بديكير مونيكير فرنش نود
٣- مساج استرخائي
٤- تسريحة
اشكر جميع طاقم العمل على هذا اليوم المميز ..
وبإذن الله لي زيارات أخرى
أول مره أزورهم وبإذن الله إني دائما معاهم ،، العسل اللي بالإستقبال وتستقبل حجوزات المواعيد على الواتس تهبللل تبارك الرحمن ،، سويت عندهم حمام مغربي عند فتحيه ،، أتعب وأنا أقووول ياخذ العقل و بعدها سويت مساج ريلاكس بعد يجنننن ، وبعدها دلعت نفسي وسويت بوديكير للأرجل و الشغل يجننننن يجنننن
اول مره ازوره وكانت تجربه جميله الرنساج مع نوره والقص مع فلبينيه نسيت اسمها المكان جميل من الداخل ورايق دورين الدور الارضي الشعر
والدور الاول البديكير والمنيكير فيه ركن للقهوه فيه مصعد موظفه الاستقبال رائعه جدا الخدمه سريعه نظافه المكان حبيت انه مكان الشعر كباين خاصه مستقله لكل زبونه
وبالتاكيد ساعيد الزياره لتجربه البديكير والمنيكر (فنانيين بالرسم على الاظافر ) عيبه مو واضح من الشارع
اول مره اجي لصالون فيولا
تجربتي كان حلو
جيتهم بدون حجز وقلت عندي مناسبه ومتسعجله
ماقصرو ابد
دخلت سويت شعري مع وحدة سعودية اسمها بلقيس تهبل
غسلت شعري بعدين بخت عليه حمايه من الاستشوار بعدين بدئت تستشور كانت سريعه وخلصت شعري والتسريحه في اقل من نص ساعه
وقلت ابي اسوي اظافر تركيب مع لون كانت نيلا سريعه ودقيقه خلصتني في عشرين دقيقه
يهمني جدا نظافة الصالون وكان نظيف وعندهم ضايفه بعد قهوه سعوديه وتمر وماء
الصالون عرفته صدفة
ابدأ بالديكور والنظافة والاستقبال ١٠/١٠
الموظفة تجنن وتجاوب على اسئلتكم ومرة ذوق
يردون عالتلفون بسرعة وهذا شي ممتاز
سويت عندهم استشوار ويفي لمناسبة وصراحة قعد لثاني يوم حلو
جربت المساج الاسترخائي مع ريا مرررة بطل واعطوني بعده شاهي ومكسرات
الاسعار مقابل الخدمات اشوفها مناسسسبة جدًا ومو مرتفعة
اكيد لي زيارات ثانية لتجربة بقية الخدمات
امس كانت اول زيارة لي للمركز .. عجبتني نظافة المكان واهتمامهم فيه .. موظفة الاستقبال كانت لطيفة ولبقة .. مع اني وصلت متأخر بس رحبوا فيني واهتموا بادق تفاصيل الخدمة .. عملت بديكير ومنيكير مع “نيلا” .. مع اني حضرت بنهاية الدوام واكيد انها كانت تعبانه .. بس ما بينت لي هالشي .. واشتغلت بأمانه وروح حلوة وابتسامة ما تفارقها .. شغلها وروحها الحلوة بتخليني ارجع مره ثانية وثالثة ورابعة .. حبيت اهتمامهم بالتفاصيل .. بحكم اني جاية ولابسة سنيكرز لما جيت اطلع عطوني disposable flip flops وحطوا شوزي بكيسة مرتبة .. الله يعطيهم العافية ما راح تكون زيارتي الاخيره باذن الله
تحديث: نوعية المناكير المستخدمة ليست الافضل
بسم الله
الصالون مرتب وجميل وهادئ
حتى موظفة الاستقبال مريحة
صبغت عندهم العام الماضي وكانت حلوة وما خربت شعري
قصيت قبل فترة عند بلقيس عسل مره وقصها حلو وتعرف شغلها كويس
اليوم سويت ماسك ترطيب عند نور شغلها يجنن وتعرف تشرح وش يحتاج الشعر بالضبط
وسويت اظافري عند لين وكل شيء عجبني
اسعارهم متوسطة لمرتفعة بس شغلهم حلو
احلى صالون واكرر التجربة مليون مرة
صالون ڤيولا مو اول مره ازورة كل ماحبيت ادلع نفسي اجيهم ، الطاقم رائع انا جربت البدكير والمنكير عندهم فقط وان شاء الله اجرب مغربي ومساج بعد ، الفلبينيات عسل عسل عسل كلهم بشوشات واخلاق ، مسكوني اخر زبونه وتعرفون كيف اخلاق اي شخص نهاية دوامه لكن بالعكس مابينوا لي اي ارهاق او تعب او حسسوني بثقل بالعكس مبتسمات وخدموني احلى خدمة وموظفة الاستقبال اللي شعرها بوي ماقصرت انتظرتني لما جا زوجي وانا اقولها مافيه مشكلة اطلعي باطلع برا الجو حلو وهي تقول تأكدي قرب او لا كانت عسل ولا ودها تخليني مع ان انا ماعندي مشكلة والله دام وقت دوامهم خلص مو ذنبهم
سويت بدكير منكير مع لون اخضر عرض اليوم الوطني ب93
واعطوني سليبر البدكير عشان المناكير ماتخرب
وحطوا شوزي بكيس مرتب خدمة رائعة وكل مره احب ڤيولا اكثر واكثر
شكرا للجميع
اول شي اول مره اجي لصالون ڤيولا عرفته صدفه مره كان حلو شغلهم
دخلت وستقبلتني نوره الله يسعدها كنت متوهقه من ناحية الميك اب مابي اي وحده
وحطتني عند نسرين ماشاءالله شغلها خورافي مره حبيت شغلها وكانت لطيفه تسألني قبل اي خطوه
وحقت البودكير والمناكير المى حبوبه وتضحك وتسولف وماعورتني ابد ..
وحقت الشعر زمزم خلوقه وحبوبه بعد سوت نفس ماابي طالعه وانا راضيه الصراحه ومو اخر مره ان شاء لله
أول زياره لي المشغل الصراحه مررره اعجبني لا من ناحية توفر الخدمات ولا من ناحية النظافه يعطيهم العافيه شغل مرتب ،، وحابه اشكر الاخت نوره في الاستقبال الله يسعدها راقيه ومحترمه وتعاملها مع الزباين جداً جميل
