عيادات المدى الطبية بجدة عيادات نضيفة و أكثر من رائعة و أخذت موعد عند الدكتورة غزل شغلها ممتاز و نضيف عملت عندها كونتور لوجهي مع فلر شفايف و بوتكس مررررة كان روعة صراحة و اختي و قريباتي سوو عندها انصح الكل يروحو عندها بأمانة شغلها مرررة حلوو و طبيعي
محمد بن زيد, Al Andalus District, جدة
+966 12 661 1350
عياده اكثر من رائعه ..د/ أميره رضوان شغلها ماشاءالله اتقان ورقي في التعامل أكثثر دكتوره تسلميها وجهك وانتي مرتاااحه الله يسعدها
الدكتور سامي عبدالشكور تعامله رائع وشغله اكثر من رائع وطبيعي جدا .. انصح اي احد يحب الجمال الطبيعي رأي صريح و تجربة بالتفاصيل عن ليزر الجسم: بعد بحث و تحري عن عيادات الليزر في جدة نصحتني صديقة بعيادات المدى حجزت موعد ليزر ( كشفية مجانية تحدد نوع الجهاز) خيروني بين دكتورتين ماعرف ولا وحدة فيهم بس اخترت غزل كنت مع أختي لنفس الهدف عند نفس الدكتورة دخلت قبلي ونزلت مصدومة تضحك، سألتها ايش فيه بس قالت ادخلي ادخلي دخلت للدكتورة بدأت تكشف و قالت لي اشياء مالها داعي و ما احتاجها خصوصا اني جاية عشان ليزر شعر ( مثال: تحتاجي فيلر شفايف تحتاجي تقشير تحتاجي…الخ) نزلت مصدومة اضحك نفس رد فعل اختي و طبعا قررنا نسحب على العيادة لأن الدكتورة قالت لنا اشياء سدت نفسنا وفتحت عيوننا على مشاكل في بشرتنا ما كنا مركزين فيها حتى وصلنا الاستقبال طاحت عيني على دكتور اسمه سامي عبدالشكور طلبنا منهم يسوو لنا موعد عنده و سوا لنا في نفس الوقت نفس اليوم ومجانا برضو
المواعيد ابدا ما تأخرنا ( للأمانة بكمل خمسة شهور مع العيادة عمري ما انتظرت اكثر من ربع ساعة يمكن لأن مواعيدي دائما صبح و ظهر) دخلت عند الدكتور و كان راااااااائع رائع أفضل دكتور جلدية زرته في حياتي ( نصحت كل أحد حولي يزوره حتى ماما جبتها بنفسي) هادئ، يعرّف عن نفسه، يسأل في التفاصيل باهتمام، يعطي المريض فرصة في الكلام و يسمع بتركيز شرح لي كل شيء احتاج أعرفه جدا جدا رائع صراحة بالنسبة لليزر اخذت بكچ بدون رتوش ( من وجهة نظري مالها داعي) النيرس بروفشينل بشكل رهييييب شغلهم متققققققققن تقعد عليك ساعااات و هاديين ما يتكلموا الا لما تكلميهم ( اكره الي يقعد يتكلم فوق رأسك) بالنسبة للمواعيد دائما احجز قبل بفترة طويلة شهر او ٣ اسابيع و دااايما على الموعد و يتصلوا قبل بيوم يأكدوا الموعد ويقولوا لك التعليمات انصح جدا بالعيادة خصوصا دكتور سامي عبدالشكور
عيادات نظيفة جدا ومرتبه وبها عدد من أفضل الاستشاريين في جده. أسعارهم تميل للعالي ومواعيدهم ممكن تكون أفضل. الانتظار طويل بطريقة غير مقبوله بالرغم من وجود موعد سابق انتظرنا ساعتين قبل أن يرانا الطبيب. اعتقد إذا ما اتغلبوا على هذه المشكلة لن يكون لديهم مراجعين في المستقبل