صالون يونيا سبا الرياض، واحد من افضل الي موجود سويت عندهم حمام مغربي بالرياض كلها عمري ما سويت زيه ممتاز قليل عليهم خدمه الاظافر عندهم ممتازه كمان
عبدالله بن سليمان الحمدان، العليا، الرياض
+966 50 658 7388
قبل كم شهر زرت المكان والحين بس قررت اعطي رأيي وتقييمي اذكر اول مادخلت المكان كانت بشاشة البنت اللي على الإستقبال تعطي شعور بالراحة ماشاءالله عليها حبيت لطافتها وهذا إنطباعي الاول رحت مع وحدة مغربية تسوي حمام مغربي كان كل شي مرتب خزانة وغرفة تبديل يوفرون لك روب وسليبر عشان الحمام وفيه أدوات عناية مغلفة هدية تاخذينها معاك للبيت المغربية كانت لطيفة معاي وشغلها حلو ومقبول بعد ماخلصت الحمام اعطتني الليفة المغربية اللي استخدمتها عشان اخذها معاي بعدها اخذت جلسة مساج بس قبلها كان فيه استبيان إذا حامل او فيه مرض معين وتحديد قوة المساج والمناطق اللي ابيهم يركزون عليها كانت كينية على مااظن اللي سوت لي المساج وكان حلو وراضية عن شغلها بعدها نزلت وسويت بديكير ومنيكير لليدين والرجلين العاملة اللي تسوي الرجل كينية بعد على مااظن وكانت بشوشة وحريصة أكثر واللي تشتغل اليدين كانت فلبينية واحسها تبي تخلص شغلها بسرعة لكن للأمانة شغلهم كان حلو بشكل عام حبيت التجربة وحبيت الديكور وقدمولي مشروب ضيافة مشكورين
ڤايبز المكان مره حلو والشغل بيرفكت كل شيء يجنن لو فيه اكثر من ٥ نجوم حطييت، بالصدفه وقفت عنده كنت محتاجه دلع وريلاكس ولقيته جو هادئ ونظيف وموظفات بشوشات على اخر الدوام ماشاءالله سويت بدكير منكير
خدمه جددداااا جميله سويت الحمام المغربي بالنيله الزرقا شي مو عادي خيال وجهان انسانه رائعه فاهمه شغلها صح، مكان جميل ومرتب وتعامل ذوووق تجربه رائعه ويستاهل الزياره مره ثانيه