مشغل جوي الطائف، صالون متكامل واستقبال جميل سويت مكياج عند الارتست شذي شغلها متقن وجميل وشعري استشوار عند اميره كمان شغلها جميل
- الاسم: مشغل جوي
- النوع: صالون تجميل
- الأسعار: متوسطة
- مواعيد العمل: 12–10pm
- خريطة جوجل: للوصول إلى الصالون عبر خرائط جوجل اضغط هنا
- الخدمات: (استشوار- قص- صبغات- تساريح- مكياج- حواجب- حمام زيت- معالج الشعر- بروتين)
عنوان مشغل جوي الطائف
مالك بن قحافة، السلامة،، الطائف
تقييمات مشغل جوي الطائف
كنت في مشغل جوي قبل يومين الصراحه طلعت وانا مروقه لان اخلاقهم وتعامل الموظفات الرائع يجبرك تحترمينهم وقسم بالله قمه في الذوق والتعامل الرائع من بنات الاستقبال الى “اميرة” اللي سوت شعري من كثر اخلاقها وطيبتها تشاورني بكل شي لان فعلا الزبون لازم يكون راضي ويتسوى اللي يطلبه فوق اخلاقها وبشاشه وجهها رغم الرحمه والتعب شغلها جبببار صراحه تعاملي دايم بيكون معاها الله يوفقها ودي مشاغل الطائف الباقين ياخذون كورس في اخلاقكم ياجوي حتى البنت اللي “قاصه بوي “اهخ بردت قلبي ب اخلاقها الله يسعدها يارب لكن عندي ملاحظه ع المكان الصراحه ينقصه تطوير من ناحية الديكور والغرف مفروض تكون مجهزه بشكل افضل لان شوي قديمه لكن عادي ارجع لهم بسبب اخلاقهم الرائعه وكمان شغل فايزه بالميكب مدري هي طيبه ومتعاونه لكن صراحه ماسوت نفس ماطلبت مره غير عن الصوره حتى اختي طلبت شي وسوتها شي لكن يستاهلون اكثر من 5 نجمات الله يوفقكم واشوفكم من افضل المشاغل بالطايف
تجارب حقيقية
التجربة الأولي
كتبت هذا التعليق لان اتوقع في كثير يفكرو مثلي قبل كم سنه سمعت بمشغل جوي وكل مارحت مكان إلا ما اسمع وحده تمدحه فطبيعي جا على بالي انه شهرته مؤقته زيه زي اي هبه تطلع فتره وتختفي فمارحت جربت خدماتهم ولا فكرت والسنه ذي جلست ابحث عن صالون كويس لقص الشعر والصبغه و الاغلب مدح لي جوي فقلت لازم هالمره اجربه بنفسي لان لو هبه زي ماكنت متخيله قبل كان ماجلس شغال إلى الآن بصراحه تعامل صاحبة المكان رائع وموظفات كمان طلبت قص و صبغه وعملوا لي اختبار للصبغه لكن ماتغير لون الشعره فقالولي الأفضل لاتصبغي الان لأني كنت مسويه صبغة الكركم والكاكو لو احد غيرهم كان صبغ وعدم لي شعري وماهمهم غير الفلوس لي رجعه لهم اقص شعري واصبغه ان شاء الله ويارب تنفع معاي الصبغة لان نفسي اصبغ بالنسبة للتعليقات السلبيه بشأن تعامل الموظفات السيء في بعض الأوقات، حطو في بالكم مافي اي مكان كامل ولا اي شخص لان حياتنا ابدا مو كامله ، تمر للانسان اوقات صعبه وثقيله عليه بحيث تنعكس على تصرفاته مع الآخرين فلازم نعذرهم ، واذا شفت معاملة الموظفه سيئه اتكلم معاها بهدوء او اكلم صاحبة المكان
التجربة الثانية
تتعب الحروف من وصف جمال الشغل صدق افضل صالون شغلهم يجنن جوي اتعب وانا امدح الله يوفقهك ويسسر امرك حقيقي انسانه رائعه واقفه ع شغلها بذمه وضمير حقيقي نادر نحصل ناس كذا توقف ع شغلها الله يمداها الصحه والعافية يارب حقيقي اتمنى كل يوم عندي مناسبه واجي اسوي عندكم من لطافه تعاملكم يكيفي صوت القران والضيافه اللي تفتح النفس حقيقي مبدعههه ي جوي تستاهلي احلى تقيمم قريبا جاي اعمل ميك اب وتسريحه من ابداع صالونك
التجربة الثالثة
اول مره أروح للصالون لانه بعيد عن بيتي شوي بس عروضهم كان حلووة سويت استشور عن الهير ستايل هند شعري تايب فور ومره صعب التعامل معاه بس الله يسعدها أول مره أحد يسويه ليا بالطريقه الي تعجببني ويدها خفيفها ما قعد تسحب و تخبط، مررره انبسطت بشغلها وتعاملها أكثر شيء يهمني بالمكان صراحه اخلاق الموظفات بعدها باقي الاشياء، بكرر الزيارة عشان اخلاقهم اولا وشغلهم الحلو ثانيًا
التجربة الرابعة
فايزه خبيرة الصبغات بدعت في شعري صراحه وساره بدعت لي في القصه صراحه فهمت اش ابغى بالضبط والحواجب عند خلود فنانه تنلف يدها بالحرير ، وطاقم الصالون بشوش وخدمه رائعه
التجربة الخامسة
مكياجهم رووووعه نظيييف ومرتب والتسريحه روعه وصاحبة المشغل خلوقه وبشوشه ومتعاونه.. الله يبارك لهم يفوزووون
التجربة السادسة
صاحبة المشغل قمة في الذوق لكن بعض العاملات للأسف الافي التشقير والصبغة حقين الحواجب ماغير جالسين حش في الزباين عشان التعديل من حق الزبونة تطلب التعديل مره واثنين وثلاثة لين ماتوصل للنتيجة الاتبيها انا طلبت تعديل مرتين يكفي بس نظراتهم وهمسهم لبعض على يش من البداية سيبي السوالف وانتي تشتغلي عشان تركزي زين في شغلك
